карикатурен | прид.
Што е својствен на карикатура, што е прикажан, претставен во карикатура; смешен, комичен. Во неговото дело има карикатурни ликови.
карикатурист | м.
Тој што црта карикатури.
карикира | св. и несв.
Прикаже, прикажува со потсмевање, во карикатура. Ќе ја поднаведнеше главата и ќе го спуштеше жално гласот, карикирајќи го својот соговорник.
Карипско Море | ср.
Море во Средна Америка.
карира | св. и несв.
Направи, прави четвороаголни шари.
кариран | прид.
Што е украсен со четвороаголни шари, со коцки. Кариран фустан. Карирана кошула. Карирани чаршафи.
каријатида | ж.
Столб во форма на женска фигура.
каркалашка | ж.
карклоци | и.
Ножици за стрижење овци.
карлица | ж.
Коскен појас изграден од коските на долниот дел од телото; долен дел од телото, колкови, бедра.
