карличен | прид.
Што се однесува на карлица. Карлична коска. Карлична празнина.
карма 1 | ж.
Наредени дрва. Порано мажите одеа в планина, сечеа дрва и ги редеа на карма.
карма 2 | ж.
Во индиската религиозна филозофија – верување дека судбината на човекот зависи од неговите постапки пред неговото повторно раѓање; судбина предодредена со нешто од далечното минато.
кармакараши | прил.
Растурено, измешано. Собата стана кармакараши.
кармин | м.
Интензивна, светлоцрвена боја. Купи три фустани, бел, зелен и кармин.
карминиса | св.
Намачка усни со кармин. Ја убеди да ги карминиса усните.
карневал | м.
Голема веселба, со многу народ, која обично трае повеќе дена и е проследена со улични игри, танци на маскирани лица. Си направи маска за годинашниов карневал.
карнер | м.
Украсен пораб или пришиена набрана лента, обично на облека, завеса и сл. Фустан со карнери.
каро | ср.
Карта за играње означена со црвени ромбови. На масата фрли седмица каро.
каросерија | ж.
Метална, надворешна конструкција на автомобил. Каросеријата на автомобилот уште е мокра од миењето.
