кањари | несв.
Чита молитви во црква.
кањерка | ж.
Вид модри сливи.
кањон | м.
Тесна и длабока речна долина, со високи и стрмни карпести страни; клисура. Непристапно е над стрмната страна на кањонот.
квадрант | м.
Четвртина од круг.
квадрат | м.
Четириаголник на којшто сите страни му се исти и сите агли прави.
квадратен | прид.
Што е со форма на квадрат. Тој ме пречека во малото квадратно дворче.
квадратест | прид.
Што е сличен на квадрат. Квадратеста масичка.
квадратура | ж.
Вкупна површина на некој простор изразена во квадратни единици. Дворот имаше голема квадратура.
квази- | претс.
Како прв дел од сложенки со значење лажно, привидно: квазинаучен, квазиавторство, квазипатриотски.
квака | несв.
Испушта звук, глас ква-ква, карактеристичен за жаба и за некои птици. Во дворот квака јато гуски.
