милиграм | м.
Мерна единица што означува илјадити дел од грам.
милилитар | м.
Мерна единица што означува илјадити дел од литар.
милиметар | м.
Мерна единица што означува илјадити дел од метар.
милина | ж.
Чувство на задоволство, уживање, пријатност. Му се исполни душата со милина кога ја слушна песната.
милион | м.
Број еднаков на илјада илјади изброени единици од нешто.
милионер | м.
Многу богат човек, чиешто богатство изразено во пари може да се мери во милиони.
милитантен | прид.
Што војува; борбен, воинствен. Милитантна група.
милитаризам | м.
Државен систем што се потпира на војската и во кој војничкиот сталеж има најголемо влијание и најголеми овластувања.
милитаризација | ж.
Засилување на военото влијание; воведување милитаристички систем;
милитаризира | св. и несв.
Воведе, воведува милитаристички систем.
