Мисури | м.
Река и сојузна држава во САД.
мит | м.
Народно предание за богови, јунаци, природни појави и измислени настани.
митари се | несв.
За животни – менува пердуви, крзно.
митарство | ср.
Во христијанството – по смртта,секоја крстена душа мора да помине низ дваесет митарства за разни гревови за да стигне до Небесното царство; мака, искушение.
митаџија | м.
Тој што прима мито.
митесер | м.
Лојно црнкаво чепче во порите на кожата; мозолче, црнка.
митинг | м.
Масовен (обично политички) собир на луѓе заради расправање за прашања од општ интерес. Политички митинг.
митингар | м.
Учесник во митинг; чест говорник на митинг.
митингува | несв.
Држи, одржува митинг.
митка се | несв.
Се умилкува, се додворува.
