млазница | ж.
Отвор од каде што излегува млаз.
млак | прид.
Што е со средна топлина, ни многу врел ни многу студен. Млака вода. Млако млеко.
млака | ж.
Бара, мочуриште; макла.
мласка | несв.
Јаде со отворена уста при што испушта карактеристичен звук. Дедото мласкаше додека го јадеше месото.
млачи | несв.
Прави нешто да биде млако, загрева. Го млачеше млекото за децата.
млачиште | ср.
Мочуришно место.
млекар | м.
Тој што произведува, преработува или што продава млеко.
млекарник | м.
Просторија каде што се чува млеко.
млекарница | ж.
Објект, зграда каде што се произведува млеко.
млекарство | ср.
Дејност за производство на млеко и млечни производи.
