мандолина | ж.
Жичен музички инструмент со 4 до 6 жици во форма на круша.
мандоса | св.
Излаже, измами некого. Гледај, да не те мандосаат да ти ги земат парите џабе.
мандра | ж.
Место, обично во планина, каде што се молзат овците и се преработува млеко, бачило.
мандрагора | ж.
Отровна билка чиј корен наликува на човек поради што ѝ се припишуваат волшебни својства; Mandragora officinarum.
мандраџиство | ср.
Дејност на мандраџија, работа на мандра.
мандраџија | м.
Човек што работи во мандра.
маневар | ж.
Преместување вагони, локомотиви или цели композиции на железничка станица.
маневрира | несв.
Прави маневар, маневра или маневри.
манеж | м.
Заградено место или специјална зграда за вежбање, јавање коњи.
манекен | м.
Лице што професионално, носејќи на себе, прикажува модерна облека на модни ревии или за модни списанија.
