маќеа | ж.
Жена на таткото во однос на неговите деца од претходниот брак. Таа им беше маќеа, ама добро се грижеше за децата
маџун | м.
Густо сварено овошје со шеќер, вид мармалад, вид слатко. Маџун од сливи.
Маџуро | ср.
Главен град на Маршалските Острови.
Мбабане | ср.
Главен град на Свазиленд.
ме | зам.
Кратка форма за директен предмет од личната заменка јас; се употребува сама или заедно со долгата форма ‒ мене ме; Ме викнаа да дојдам. Мене ме избраа.
ме! | изв.
За имитирање глас на коза.
меана | ж.
Крчма, гостилница.
меандер | м.
Назив за кривулесто течение на река.
меанџика | ж.
меанџија.
меанџија | м.
Сопственик на меана; крчмар, гостилничар.
