мизерува | несв.
Живее во беда, во голема сиромаштија. Целиот живот мизеруваше.
Микена | ж.
Древен град на Пелопонез, денешна Грција.
микро- | претс.
Како прв дел во сложени зборови со значење мал, ситен, со мал размер; Микрокосмос. Микроструктура.
микроб | зам.
микробиолог | м.
Специјалист по микробиологија.
микробиологија | ж.
Дел од биологијата што се занимава со проучување на микроорганизмите, микробите.
микробран | м.
Дел од електромагнетниот спектар кој е сместен помеѓу радиобрановите и инфрацрвените зрачења, неопходен за работа на телевизорот, телефонот и за пренесување податоци меѓу страните на Земјата и меѓу Земјата и сателитите, бран со бранова должина помала од 10 см.
микробранов | прид.
Што се однесува на микробран.
микроклима | ж.
Клима на долниот, приземен атмосферски слој, ограничена на определена средина, во дадена ситуација.
микрометар | м.
Единица за должина рамна на еден милионити дел од метарот; микрон.
