националсоцијализам | м.
Политичко фашистичко движење во Германија меѓу двете светски војни со идеологија и доктрина, засновани врз реваншистичките националношовинистички тенденции на најреакционерниот дел од буржоазијата за завладување на светот со војна, терор и насилство; нацизам.
националсоцијалист | м.
Приврзаник на националсоцијализмот; нацист.
националсоцијалистички | прид.
Што припаѓа, што се однесува на националсоцијализмот и на националсоцијалист, националсоцијалистка; нацистички.
нацист | м.
Приврзаник на нацизмот; националсоцијалист.
нацистички | прид.
Што припаѓа, што се однесува на нацизмот и на нацист, нацистка; националсоцијалистички.
нацица | св.
Нахрани бебе со цицање, надои.
нација | ж.
Историски создадена општествено-економска, културна и политичка заедница врз основа на заедничка територија, јазик, минато, традиции, психичка конституција, силно проникната со свест за заедничка припадност. Македонска нација. Француска нација.
нацрви | св.
Стави црвило на усните, на лицето.
нацрни | св.
Намачка нешто со црна боја.
нацрпи | св.
Со црпење (со некаков сад, со лажица, лопата и др.) земе нешто (вода, земја, песок и др.). Нацрпив една кофа вода. Нацрпете две лажичиња сол.
