навива | несв.
навие.
навивалка | ж.
Направа за навивање предено.
навивач | м.
Тој што навива на спортски натпревар.
навивачки | прид.
Што се однесува на навивач, на навивање. Навивачки реквизити. Навивачки страсти. Навивачко расположение.
навивка | ж.
Парче платно за обвивање на нозете наместо чорапи.
навигатор | м.
Специјалист за навигација (во поморството и во воздухопловството); морепловец; воздухопловец.
навигација | ж.
Вештина и наука за управување бродови, во поново време, и авиони со одредување на нивната позиција, курс и растојанието што го минуваат.
навиди | св.
Посети некого, намине кај некого. Бев да ја навидам. Отиде да ги навиди родителите. Често ме навидуваат.
навидум | прил.
На вид, на изглед, на прв поглед, без задлабочување. Тие само навидум се скромни. Навидум остана спокоен, а во душата одвај го совладуваше гневот. Расправијата почна навидум случајно.
навие | св.
Намота (предено, конец и др.). Треба да навие предено за ткаење. Навива жица на макара.
