невкусен | прид.
Што не е вкусен, што има лош вкус. Невкусна супа. Невкусно јадење. Невкусна торта. Невкусно чоколадо.
невнимание | ср.
Отсуство на внимание; расеаност. Паднал поради невнимание.
невнимателен | прид.
Што не е внимателен; расеан. Ништо не можеше да му се довери, зашто беше многу невнимателен.
невозбуден | прид.
Што не е возбуден, мирен, спокоен.
невозбудлив | прид.
Што не е возбудлив, што не предизвикува возбуда. Невозбудлив роман. Невозбудлив филм.
невоздржан | прид.
Што не е воздржан, што се покажува, што се пројавува, неодмерен. Стануваше неподнослив со својот невоздржан однос.
невоздржлив | прид.
Што не знае, што не може да се воздржи.
невозможен | прид.
Што не е можен, возможен; неостварлив. Невозможни планови. Невозможно барање.
невола | ж.
Несреќа, беда, голема тешкотија. Кога ќе помислеше што претрпел, се чудеше како може човек да не полуди од толку неволи. Дај ми сили, мајко Богородице, ти знаеш што се маки и неволи.
неволен 1 | прид.
Несреќен, беден, што е за жалење. Им помагаше на болните и неволните.
