недохранување | ср.

Недоволно, слабо хранење.

недочитан | прид.

Што не е дочитан до крај, што не е прочитан. Недочитано писмо. Недочитан роман.

недоѕидан | прид.

Што е започнат со ѕидање, а не е доѕидан, изѕидан до крај. Недоѕидана куќа.

недојаде | св.

Не се најаде доволно, не заврши со јадењето. За да не задоцни, недојаде.

недраг | прид.

Што не е сакан, што не е драг, мил. Недраг познајник. Недраги спомени.

недругар | м.

Тој што се покажува како лош другар, што не се однесува како другар.

недругарски | прид.

Што се однесува на недругар. Недругарски однос. Недругарска постапка.

недружељубив | прид.

Што не е дружељубив, што не сака да се дружи. Недружељубиви соседи.

недружељубие | ср.

недуг | м.

Телесен или душевен недостаток; болест.