недотеран | прид.

Што не е дотеран, со терање доведен на определено место. Остана добитокот недотеран од пасење.

недотокмен | прид.

За сметка, долг и др. – што не е во целост платен, оддолжен. Уште една сметка остана недотокмена.

недотресен | прид.

Што не е доволно истресен. Го посла килимчето недотресено.

недоумева | несв.

Се наоѓа, е во недоумица. Уште недоумева што да направи.

недоумение | ж.

недоумица | ж.

Двоумење, колебање, сомневање. Се најде во поголема недоумица.

недоучен | прид.

Што не учел, што не научил доволно; што го прекинал учењето. Влегоа на работа недоучени.

недофатен | прид.

Што не може да се дофати. Недофатна височина. Недофатна убавина. Недофатна среќа.

недофатлив | прид.

Што не може да се фати, да се дофати, недофатен.

недохранет | прид.

Што е недоволно, што е слабо хранет, неисхранет. Недохранети деца.