незабележан | прид.
Што не е забележан, што не е виден, откриен. Незабележана грешка. Незабележана мана.
незабележлив | прид.
Што не може да се забележи, да се види, да се открие. Незабележливи честички. Незабележливи треперења. Незабележлива разлика. Незабележливи промени.
незаборавен | прид.
Што не може да се заборави, да биде заборавен. Незаборавни спомени. Незаборавно пријателство. Незаборавни настани.
незаверен | прид.
Што не е заверен, што не е потврден од надлежен орган. Незаверен документ. Незаверен препис.
незавиден | прид.
Што не е за завидување, на кој нема на што да му се завидува. Незавидна состојба. Незавидни резултати. Незавидна судбина.
независен | прид.
Што не зависи еден од друг, што е самостоен, без туѓо влијание во своето изразување и дејствување. Независна држава. Независна личност. Независно мислење.
незавршен | прид.
Што е започнат, а не е завршен. Незавршена градба. Незавршен расказ.
незагреан | прид.
Што не е загреан, затоплен, подготвен за употреба, за дејствување. Незагреано јадење. Незагреан мотор. Незагреан играч.
незадоволен 1 | прид.
Што не е задоволен, на кој нешто му недостига. Незадоволени барања. Незадоволени желби. Незадоволени потреби.
незадоволен 2 | прид.
Што не е задоволен од нешто, на кој нешто му пречи, што не чувствува задоволство. Го остави весникот незадоволна од статијата. Незадоволни работници. Незадоволна публика.
