незадоволителен | прид.

Што не задоволува определени барања, потреби, очекувања. Незадоволителен резултат. Незадоволителен квалитет.

незадоволник | м.

Тој што не е задоволен поради нешто, тој што го изразува своето незадоволство. Тие се вечни незадоволници што сонуваат за некоја правда.

незадоволнички | прид.

Што се однесува на незадоволник и на незадоволница, што изразува незадоволство. Незадоволничка страна. Незадоволнички протест. Незадоволнички барања.

незадоволство | ср.

Отсуство на задоволство, состојба на тој што е незадоволен. Незадоволство поради лошите услови за работа. Изразува незадоволство.

незадоволувачки | прид.

Што не ги задоволува барањата, потребите, очекувањата. Незадоволувачки резултати.

незадолжителен | прид.

Што не е задолжителен, што не мора да се изврши, да се прифати. Незадолжителна посета. Незадолжителна настава. Незадолжителен преглед.

незадржлив | прид.

Што не може да се задржи, што не може да биде задржан при движење или при некое дејствување. Незадржлива сила. Незадржлив порој. Незадржлива смеа. Незадржливо напредување.

незаздравен | прид.

Што уште не е заздравен, наполно излекуван. Незаздравена рана.

незаинтересиран | прид.

Што не е заинтересиран, што не покажува интерес, наклоност кон нешто. Незаинтересирани слушатели. Незаинтересиран набљудувач.

незаинтересуван | прид.