непремостлив | прид.
Што не може да се премости, да се совлада. Непремостливи разлики. Непремостливи тешкотии.
непренослив | прид.
Што не е пренослив, што не може или не смее да се пренесува. Непренослив предмет. Непреносливо право.
непреоден | прид.
Преку кој не може да се помине. Непреодна река. Непреодна густа шума.
непреодолив | прид.
Што не може да се преодолее, да се совлада. Непреодолива потреба. Непреодолива желба. Непреодоливи тешкотии.
непреработен | прид.
Што не е преработен, што не е подложен на обработка; суров. Непреработен тутун.
непресметлив | прид.
Што не може да се контролира, да се совладува, што по своите постапки, со своето однесување не може да се смета за нормален. Непресметлив човек.
непрестаен | прид.
Што не престанува; непрекинат, постојан. Непрестајно движење. Непрестајна врева.
непресушен | прид.
Што не пресушува, неисцрпно богат. Непресушен извор. Непресушни рудни наоѓалишта.
непретенциозен | прид.
Што не е претенциозен; Непретенциозен филм.
непретпазлив | прид.
Што не е претпазлив, што не презема мерки на претпазливост; невнимателен. Непретпазлив работник.
