непречен | прид.
Што не е спречуван, што нема пречки. Непречен развој.
непречистен | прид.
Што не е пречистен. Непречистена вода.
неприбран | прид.
Несреден, што не внимава на својот надворешен изглед. Неприбрана жена.
непривлечен | прид.
Што не привлекува со својата надворешност, што не предизвикува интерес, симпатија. Непривлечно место за летување.
непригоден 1 | прид.
Неуреден, недотеран за некоја потреба; несообразен. Непригодена соба за гости.
непригоден 2 | прид.
Што не одговара за нешто, несоодветен, непогоден. Непригодна песна. Непригодна шега. Непригодни зборови.
неприготвен | прид.
Што не е приготвен; неподготвен. Неприготвен ручек. Неприготвен за поаѓање.
неприемлив | прид.
Што не може, не смее да се прими, да се усвои; неприфатлив. Неприемливо решение. Неприемлив туѓ збор.
непризнавање | ср.
Лишеност од признавање; неприфаќање, одбивање да се признае нешто. Непризнавање на правата. Непризнавање на сопственоста. Непризнавање на границата.
непризнаен | прид.
Што не е признаен, што не е прифатен од друг; непознат. Непризнаена држава. Непризнаен работен стаж. Непризнаена заслуга. Непризнаен уметник.
