орловски | прид.
Што личи на орел или му припаѓа на орел. Орловски нос. Орловски поглед. Орловско гнездо. Орловски лет.
орман 1 | м.
Многу густа шума. Со кози в орман дали си одел?
орман 2 | м.
Дел од мебел, шкаф. Ги испреврте орманите и пронајде летна, испеглана облека.
орнамент | м.
Украс од геометриски, растителни или животински елементи и шари што се употребуваат во архитектурата, текстилното производство, печатарството и др.
орнаментален | прид.
Што се однесува на орнамент; украсен, декоративен.
орнаменталист | м.
Сликар на орнаменти.
орнаментација | ж.
Украсување, изработување орнаменти за некој простор или сл.
орнаментика | ж.
Целокупност од орнаментални елементи на некој предмет. Богата орнаментика. Ориентална орнаментика.
орнаментира | св. и несв.
Изработи, изработува орнаменти, украси, украсува со орнаменти.
орнаментиран | прид.
Што е со орнаменти.
