осмели се | св.
Добие смелост да изврши нешто. Момчето се осмели да ја каже вистината. Никој не се осмели да го запре.
осмерец | м.
Стих од осум слога. Во лириката преовладува осмерецот, а десетерецот кај епиката.
осми | бр.
Што е осми по ред, бројна придавка од осум.
осмина 1 | ж.
Осми дел од едно цело. Осмина бурек.
осмина 2 | бр.
осмислен | прид.
Што има смисла, што е добро смислен, што е добро подготвен. Добро осмислен проект. Осмислен план. Осмислен говор.
осмисли | св.
Даде смисла на нешто. Тој го осмисли својот живот со запишување на факултет. Директорот ја осмисли убаво својата работа со правење конкретен план. Наставникот добро го осмислил часот.
осмоаголен | прид.
Што има осум агли. Осмоаголна фигура.
осмоза | ж.
Мешање на раствори со различна концентрација низ полупропустлива мембрана. Осмозата е многу важен процес во живите организми.
осмокласник | м.
Ученик во осми клас; осмоодделенец.
