образован | прид.

Што има образование; учен. Образован човек. Образовани луѓе.

образование | ср.

Збир од знаења стекнати со учење, со школување; општо знаење, култура. Високо образование. Стручно образование. Солидно образование. Тој беше човек со широко образование.

образовен | прид.

Што се однесува на образование. Образовен процес. Образовни цели.

образува | св. и несв.

Создаде, создава, организира, формира група, здружение и сл. Образувавме здружение од хуманитарен карактер. Тројцата млади луѓе образуваа нова музичка група.

обрани | св.

Подрани. Обранила девојката за на вода.

обраснат | прид.

Што е покриен со трева или со некакво друго растение. Обраснат со мов. Обраснат со трње. Обраснат со трева.

обрасне | св.

Се покрие нешто со израсната трева или со некакво друго растение. Дворот обрасна со трева. Камењата обраснале со мов. Сиот брег е обраснат со густ капињак.

обрасте | св.

обрастен | прид.

обрат | м.

Неочекувана, брза промена, пресврт во развојот на нешто; пресврт. Во текот на работата настана неочекуван обрат.