оздола | прил.
Од долната страна; под нешто; одоздола Озгора беа новите весници, а оздола старите. Оздола лебот беше препечен.
оздравее | св.
Стане здрав; се излекува од болест. Таа оздравеа и излезе од болница.
оздрави | св.
озелени | св.
Добие зелена боја. Озеленеа ливадите.
озимче | ср.
За теле – едногодишно, што поминало само една зима.
озлобен | прид.
Што е исполнет со злоба, со гнев и горчина. Озлобен поглед.
озлоби | св.
Исполни со злоба, со гнев и горчина. Очите му озлобија.
озлогласен | прид.
Кого го бие лош глас. Озлогласен логор.
озлогласи | св.
Пушти лош глас за некого или за нешто. Написите во весниците ја озлогласија фирмата.
ознака | ж.
Договорен знак, белег за нешто. Суштествена ознака. Ознака за правец.
