окултен | прид.
Што е таинствен, прикриен, мистичен. Окултен мотив. Окултно крвавење.
окултизам | м.
Мистично учење за таинственото, натприродното, мистичното во природата и во човекот.
окултист | м.
Тој што го почитува, што се занимава со окултизмот.
окупатор | м.
Тој што окупира, зазема, освојува туѓа територија; освојувач. Фашистички окупатор. Борба против окупаторите.
окупационен | прид.
Што се однесува на окупација; окупациски. Окупационен режим.
окупациски | прид.
Што се однесува на окупација. Окупациски патроли.
окупација | ж.
Освојување, заземање туѓа територија. Фашистичка окупација.
окупира | св. и несв.
Заземе, зазема, освои, освојува туѓа територија. Непријателски трупи го окупираа градот.
окуражи | св.
Охрабри, поддржи некого. Неговиот поглед ја окуражи.
окучи | св.
Донесе на свет млади кученца. Кучката окучи четири прекрасни кученца.
