подзасрами | св.
Засрами некого малку, во извесна мера. Го подзасрами момето прашувајќи го дали има момче.
подзастане | св.
Застане малку, за момент, за кратко време. Како да се двоумеше, подзастана малку, сал за миг, и пак продолжи по патот. Наеднаш подзастана и почна да наслушнува.
подзастарен | прид.
Што е малку застарен, донекаде. Тоа алиште е подзастарено, никој не го носи.
подзастари | св.
Стане стар, ветов. Тие учебници подзастарија, има нови.
подзастуди | св.
(само 3 л.) Застуди малку, донекаде, не сосема. Времето веќе подзастуде, иде зима.
подзасуши | св.
Направи донекаде сув; засуши 4. Ги подзасуши алиштата на печката.
подзатвори | св.
Затвори само малку, донекаде. Подзатвори ја вратата, почна да студи.
подзатега | несв.
Затега малку, донекаде или одвреме-навреме. Одвреме-навреме го подзатега јажето со кое го води добичето.
подзатегне | св.
Затегне малку, донекаде. Ја потзатегна жицата со која ја врзуваше оградата.
подзатемни | св.
Направи да биде малку потемно од порано, само донекаде. Подзатемни ја малку фотографијата.
