полуволнен | прид.

Волнен со други примеси, не чисто волнен. Полуволнен шал. Полуволнена ткаенина. Полуволнен џемпер.

полувреме | ср.

Еден од двата еднакви дела од натпревар во некои спортови (фудбал, кошарка и сл.). Првото полувреме заврши нерешено. Победивме во второто полувреме.

полугладен | прид.

Донекаде, делумно гладен; што е недоволно најаден, не е сит. Полугладни си легнавме. Останавме полугладни.

полуглас | м.

(лингв.) а) Назив за старословенските редуцирани гласови и соодветните букви голем и мал ер; ер. б) Придружна темна самогласка што се слуша при изговорот на согласка (сржи, за'ржи; при одделен изговор: б', в' итн.).

полугласен | прид.

(лингв.) Што се однесува на полуглас Полугласен изговор.

полугласка | ж.

полуглув | прид.

Што е со ослабен слух, што слуша на едно уво. Тој беше полуглув.

полугнил | прид.

Донекаде, делумно, нецелосно гнил. Полугнили плодови. Полугнило јаболко.

полугодие | ср.

Време од половина година во кој се организира нешто, се пресметува нешто и сл. Во првото полугодие имавме голем финансиски успех.

полугодишен | прид.

Што се однесува на полугодие. Полугодишни оценки. Полугодишен успех. Полугодишна сметка.