поразработи | св.
Разработи, подготви, оспособи за користење, за производство. Новиот директор ја поразработи фабриката.
поразреди | св.
Разреди, распореди малку, донекаде или уште малку. Таа ги поразреди учениците по клупите.
поразретчи (се) | св.
Подоцна толпата се поразретчи.
поразубави | св.
Направи да биде уште поубав некој или нешто. Таа вест и го поразубави денот.
поразубеди | св.
Разубеди малку, донекаде; поразувери. Не знам дали успеав да го поразубедам.
поразувачки | прид.
Што води до пораз, што дејствува поразно; Поразувачки напад. Поразувачки резултат. Поразувачки впечаток.
поразувери | св.
Разувери малку, донекаде или уште малку; разубеди. Неговите зборови не можеа да го поразуверат.
поразучи | св.
Проучи малку, донекаде.
поразјаде | св.
Разјаде, нагризе, оштети малку, во некој степен. 'Рѓата го имаше поразјадено железото. Влагата го поразјаде ѕидот.
поразјадоса | св.
Разјадоса, загрижи малку, во некоја мера. Неговата постапка ги поразјадоса сите.
