поштукне | св.
Исчезне, се изгуби. Ми го поштукна ножето.
поштура се | св.
Денгуби, се вртка, се влече без работа некое време. Се поштура цел ден низ градот без работа.
поштури | св.
Направи или стане штур; избезуми.
поштутка се | св.
Се штутка малку, некое време.
пошумен | прид.
Што е насаден, покриен со шума. Пошумен рид.
пошуми 1 | св.
Покрие со шума голи пространства. Учениците го пошумија ридот.
пошуми 2 | св.
Шуми, бучи малку, кратко време.
пошумоли | св.
пошуми2.
пошурка 1 | св.
Шурка, пребарува, претура малку, кратко време.
пошурка 2 | св.
Потече малку, кратко време.
