прекуморски | прид.

Што е од далечни земји, преку море, отаде море. Прекуморска трговија. Прекуморска земја. Прекуморски бродови.

прекуноќ | прил.

Во текот на ноќта. Прекуноќ скита.

прекуокеански | прид.

Што е од преку океанот; што е за пловење преку океанот. Прекуокеански земји. Прекуокеански брод. Прекуокеанска пловидба.

прекупат | прил.

Преку патот, отаде патот. Прекупат застана со двајца селани.

прекупец | м.

Тој што купува стока за да ја препродаде; препродавач. Стоката ја купуваат прекупци и ја препродаваат на дуќан. Прекупците ги купуваат доматите по пет денари, а ги продаваат по дваесет.

прекупи | св.

Повторно купи нешто што е продадено, купи нешто од тој што препродава, купи за препродавање. Тука се збираа трговците што правеа прекупи и препродај секакви стоки.

прекупрст | м.

Вид рачно шиење преку прст, зад игла.

прекупувач | м.

прекуред | прил.

Без ред, не по ред. Тие што влегоа прекуред си ја завршија работата.

прекуридски | прид.

Што е од преку рид, што се наоѓа преку рид. Прекуридски села. Прекуридски овци.