приблуе | св.

(разг.) Почне да блуе, ненадејно поврати, исфрли храна назад од желудникот. Доенчето приблу млеко.

приболи ме (те го...) | св.

Почувствува болка ненадејно или одвреме-навреме. Ме приболе коленото. Го приболеа вените на нозете.

прибор | м.

Комплет предмети, инструменти и др. што имаат слична намена и што заемно се дополнуваат. Сребрен прибор за јадење. Рибарски прибор. Прибор за бричење. Прибор за цртање.

прибран | прид.

Глаголска придавка од прибере2. Што е уреден, среден (во облека, коса и др.). Прибрана коса.

прибрат | м.

Брат по татко или по мајка, полубрат. Стариот имаше две сестри и еден прибрат. Прибраќа на татко ми.

прибрежен | прид.

прибрежје | ср.

прибрза | св.

Направи нешто набрзина, побрза да сврши нешто. Жената прибрза да ја исчисти куќата.

прибрзан | прид.

Што се одвива нагло, набрзина. Прибрзана интервенција.

приварди | св.

Почува извесно време; причува. Те молам, приварди ги децата додека да се вратам од пазар.Таму има пријатели што ќе привардат на имотот.