прибелешка | ж.
Белешка, забелешка. Прибелешки од предавање. Професорот направи неколку прибелешки на текстот.
прибер | прил.
Набргу, скоро.
прибере 1 | св.
а) Собере нешто што е расфрлано, растурено на едно место, среди, раскрене. Прибери ги играчките на едно место. Мајсторите ги прибраа алатите. б) Насобере пари, материјал и сл. малку по малку со штедење. Оваа година прибраа пари за годишен одмор. Тој прибираше материјал за градба. в) Собере податоци, материјал и сл. Полицијата ги прибра сите податоци за престапникот. Момчето прибра документи за вадење виза.
прибере 2 | св.
Насобере уште малку. Ќе прибереме уште еден сандак јаболка.
прибие | св.
(нар. поез.) Почне ненадејно да тепа, да удира.
прибира | несв.
прибирач | м.
Тој што прибира, собирач.
приближен | прид.
Што е близок до определена состојба (големина, обем, количина и сл.), што е скоро, тукуречи точен, прецизен, еквивалентен. Приближен број. Приближна тежина. Приближно количество. Приближна проценка. Приближни резултати.
приближи | св.
Поднамести поблизу до некого или до нешто. Мајката го приближи девојчето до себе и го гушна. Тие ја приближија масата до креветот.
приближно | прил.
Близу, скоро, околу, речиси. Приближно стотина студенти имаше таа студиска група. Значењето е приближно исто.
