пролипа | св.
Почне да липа. Уште не го дочита писмото, пролипа.
пролиста | св.
Разгледа површно некоја книга и сл. Го пролиста новиот учебник и го остави на полицата подоцна да учи.
пролисти | св.
Почне да листи. Пролистеа дрвјата.
пролог | м.
Воведен дел кон литературно дело: драма, роман итн.; (спрот.) епилог. Во прологот авторот ги претставува ликовите.
проложен | прид.
Што се однесува на пролог. Проложни житија.
проломоти | св.
Почне да ломоти. Се намурти и проломоти.
пролонгира | св. и несв.
Продолжи, продолжува рок, важност на договор, меница и сл. Соработката продолжува, договорот го пролонгиравме за уште пет години.
промавта | св.
Почне да мавта. Веднаш штом го виде домаќинот, кучето промавта со опашот.
промажи (се) | св.
Омажи се набрзина, како било. Ја промажија за првиот што ја побара.
промаршира | св.
Маршира кратко време. Почесната гарда промаршира покрај гостите.
