ратификува | св. и несв.

Изврши, врши ратификација; потврди, потврдува меѓународен договор. Владата го ратификува овој меѓународен договор.

ратифицира | св. и несв.

раун | м.

Свадбен дар/дарови. Голем и мал раун му подари. Бабата го изнесе раунот за зетот. Таа се грижеше за раунот на девојчето. Како раун му даде везена кошула.

рафал | м.

Зачестена стрелба едноподруго, испукувања без прекини од автоматско огнено оружје. Цела ноќ се слушаа рафали. Рафалот го покоси и тој падна. Рафалот го погоди во раката.

рафален | прид.

Што се прави во рафал. Рафална стрелба.

рафе | ср.

Дел од семката на виновата лоза, средиштен раб во вид на лента. Семката на виновата лоза од внатрешната страна има две бразди низ кои минува рафе.

рафинер | м.

Работник во рафинерија.

рафинерија | ж.

Фабрика каде што се пречистуваат и се преработуваат петрол, петролеум, масло, шеќер и други слични смеси (суровини) во чиј состав има примеси. Рафинерија за нафта. Рафинерија за сончогледово масло. Рафинерија за шеќер.

рафинира | св. и несв.

Пречисти, пречистува од примеси. Македонската рафинерија го рафинира петролот во нафтени деривати со врвен квалитет. Новите машини бргу и добро го рафинираат шеќерот. Фабриката во Велес рафинира квалитетно масло за јадење.

рафиниран | прид.

Пречистен, ослободен од примеси. Рафинирано масло. Рафиниран шеќер.