разнервирано | прил.

Многу нервозно, изнервирано. Зборува разнервирано.

разнесе | св.

Носејќи достави до мнозина, на различни места, раздаде нешто на присутни. Поштарот ги разнесе писмата. Студентите го разнесоа материјалот до сите.

разнесувач | м.

Службено или приватно лице што разнесува некаков материјал (покани, писма, храна, стока и сл.). Разнесувач на пица. Разнесувач на поштенски пратки.

разниже | св.

Одниже, оддене; извади, извлече нешто што било нанижано. Девојчето го разнижало ѓерданот. Тие ги разнижаа низите и го калапеа тутунот. Таа го разнижа бисерот.

разниша | св.

Направи нешто да почне да се ниша, да изгуби цврстина, стабилност. Ветрот ги разниша сувите гранки. Земјотресот ги разниша трошните куќи.

разнишан | прид.

Глаголска придавка од разниша.

разнишка | св.

разно | ср.

Точка на дневен ред, рубрика во весник, списание и сл. Ова прашање ќе го разгледаме во разно.

разно | прил.

Ние разно гледаме на настаните.

разно- | претс.

Како прв дел во сложени зборови со значење дека е различно, нееднакво, со различни својства тоа што е означено во вториот дел (разнобоен, разновиден, разнолик).