размрсулави | св.
Почне да мрсулави. се ~ Стане мрсулав. Детето се размрсулави.
размуабети | св.
Занесе во разговор, замуабети, навлече во муабет, зазбори. Таа ги размуабети девојчињата.
размука се | св.
Почне силно или сè почесто да мука (за говеда). Воловите се размукаа.
разнебитен | прид.
Што е непрепознатлив во споредба со претходните сопствени карактеристики, разрушен, растроен. Разнебитен глас. Разнебитени села. Разнебитено семејство.
разнебити | св.
Целосно уништи, разруши. Преселбите го разнебитија народот. Ваквите написи го разнебитија весникот.
разнебитувачки | прид.
Што може да разнебити, што разнебитува, уништувачки, сосипувачки, разрушувачки. Разнебитувачки реформи. Разнебитувачка преселба. Разнебитувачки процес.
разнежено | прил.
Нежно, мило. Шепотеше разнежено.
разнежи | св.
Направи да стане нежен, неотпорен, со слаб имунитет. Таа ги разнежи децата. Тој го разнежи девојчето. Богатството го разнежи момчето.
разнеможе се | св.
Стане немоќен, немошен, крајно истоштен и истрошен. Стариот се разнеможе последнава година. Маратонците се разнеможеа последните 5 километри.
разнервира | св.
Доведе некого во напната нервна состојба, многу изнервира. Нејзините постапки ги разнервираа другарите.
