расклати | св.
Направи да стане лабаво, да се клати. Забарот прво ми го расклати забот, па потоа го извади. Децата го расклатија столот. Тешките книги ја расклатија полицата.
расклацка | св.
Почне да клацка многу, зачестено и во голема мера; Таа го расклацка млекото во шишето. Мајката ја расклацка лулката.
расклепа се 1 | св.
Засилено почне да клепа, да остри со ковање. Мајсторите се расклепале, ги острат секирите.
расклепа се 2 | св.
Многу и често почне да клепа со очите; Детето се расклепало со очите од страв.
расклешти се | св.
Почне да се клешти многу, зачестено и во голема мера; се. Се расклештиле пијаните мајстори. Децата се расклештиле. Се расклештил како будала.
расклика се | св.
За некои птици ‒ почне силно, зачестено да клика. Птиците се раскликале. Орелот се раскликал.
расклинка се | св.
Почне да клинка многу; Децата се расклинкале низ дворот.
расклокоти се | св.
Почне да клокоти многу, зачестено и во голема мера; Водата се расклокотила. Јадењето во тенџерето се расклокоти. Во стомакот сè ми се расклокоти.
расклони се | св.
Пушти гранки (клонови), разграни. Новите расади се расклонија. Грмушестите растенија се расклонија паралелно со почвата.
расклопен | прид.
Што е на делови, раздвоен, одделен на составни елементи. Расклопен часовник. Расклопена пушка. Во собата имаше расклопени делови од машината.
