тевна | ж.
Тишина, мир. Дојди да поразговараме на тевна.
тевнадиса се | св.
Се смири, се ослободи од работа и сл. Сега можеш да дојдеш, се тевнадисав.
Тевтон | м.
Припадник на древно германско племе
тег | м.
Метален предмет со точно утврдена тежина што служи за мерење на други предмети на вага, кантар и сл.
тегав | прид.
Што е полн со жили; жилав. Тегаво месо.
тегавец | м.
Зелјесто растение што се користи како народен лек; Plantago.
тегави | несв.
Временски завлекува, одолжува извршување на некоја работа. Не ја тегави работата.
тегавица | ж.
Истегнување, протегнување.
тегел | м.
Двоен шев.
тегет | м.
Темносина боја, темносин. Тегет костум.
