тегла | ж.
Стаклен сад со валчеста форма за чување слатко, зимница и сл. На масата имаше тегли со мармалад и мед.
тегли | несв.
а) Влече запрежна кола; вози, движи нешто влечејќи го по себе. Коњите тешко теглеа по калливиот пат. б) Пренесува товар влечејќи го по земја или носејќи го. Некои растовараат, а некои теглат големи греди. Секојдневно тегли по неколку вреќи цемент.
теглилен | прид.
Што е исполнет со маки, тежок, макотрпен.
теглило | ср.
Мака, страдање. Трпеле големи маки и теглила под ропство.
тегло | ср.
Мака, страдање; теглило. Го познавам теглото на тутуноберачите.
тегне | несв.
а) Со влечење прави нешто да стане подолго или пошироко; растегнува, развлекува. Не ги тегни ракавите. б) Трга, влече. Таа му го тегнеше палтото со раката. Почна да ги тегне бројаниците.
тегоба | ж.
Непријатно чувство, мачнина, мачнотија. Здравствени тегоби.
тегобен | прид.
Што е исполнет со тегоби, тежок, мачен. Тегобно чувство. Тегобно време. Тегобна положба. Тегобен живот. Тегобен глас.
Тегусигалпа | ж.
Главен град на Хондурас.
тежа | ж.
Привлечна сила на Земјата и на другите небесни тела во вселената. Земјина тежа.
