хипокористичен | прид.
Што се однесува на хипокористик и хипокористика; Хипокористичен суфикс. Хипокористично образување.
хипокризија | ж.
Прикривање на вистинските особини и лажно претставување во добро светло;
хипокрит | м.
Тој што е склон на хипокризија; лицемер.
хипопотам | м.
Крупно водно, тревопасно животно што живее во Африка, нилски коњ; Hippopotamus amphibius.
хипотакса | ж.
Поврзување на два синтаксички члена (збороформи, именски групи, реченици) од кои едниот е зависен од другиот.
хипотеза | ж.
Научна претпоставка со определена веројатност којашто сè уште не е докажана.
хипотека | ж.
Заложување на недвижен имот како осигурување за да се добие определен заем. Кредит со хипотека. Стан под хипотека.
хипотекарен | прид.
Што се однесува на хипотека. Хипотекарен кредит.
хипотенуза | ж.
Најдолгата страна кај правоаголен триаголник што се наоѓа наспроти правиот агол.
хипотетичен | прид.
Што се засновува на хипотеза. Хипотетичен развој. Хипотетични размислувања.
