циркон | м.
Скапоцен камен во различни бои со силен, дијамантски сјај. Прстен со циркон.
циркулар 1 | м.
Умножено писмо, распис што се праќа до организациони единици, поединци и сл.; Циркуларот беше пратен до сите вработени.
циркулар 2 | м.
Кружна пила за сечење дрва. Го расипа циркуларот.
циркуларен 1 | прид.
Што се однесува на циркулар1. Циркуларно писмо.
циркуларен 2 | прид.
Што се однесува на циркулар2. Циркуларен нож.
циркулација | ж.
Кружно движење, кружење. Циркулација на крвта. Циркулација на воздухот.
циркулира | св. и несв.
Се движи во круг, кружи. Топлиот воздух циркулира во садот.
циркумфлекс | м.
Вид акцент во некои јазици.
циркус | м.
а) Група луѓе кои патуваат и изведуваат театарски претстави прикажувајќи различни вештини поврзани со акробатика, гимнастика, жонглирање, дресирање животни и др. Во градот пристигна циркус. б) Вид театарска изведба, претстава што прикажува такви вештини. Гледавме циркус. Тој е акробат во циркус.
циркусант | м.
Циркуски артист, акробат. Млади циркусанти.
