цироза | ж.
Болест на некои внатрешни органи што се карактеризира со собирање, намалување на органот поради разраснување на врзивното ткиво. Цироза на црниот дроб.
цирон | ж.
Риба белвица посолена и исушена на сонце. Вкус на цирони. Сушени циронки
цирус | м.
Мал бел облак од највисоките воздушни слоеви составен од крупни ледени кристали. Бели цируси.
циста | ж.
Израсток во телото или на некој орган во вид на меур исполнет со гној или со сукрвица што настанува поради болест. Цисти на јајниците.
цистерна | ж.
Резервоар за собирање вода во вид на ископана и изѕидана јама во земја. Празна цистерна.
цитадела | ж.
Тврдина, упориште, обично на некое возвишение, што служи за одбрана. На ридот има остатоци од цитадела.
цитат | м.
Точно и целосно пренесен дел од некој текст или од определен автор. Библиски цитати.
цитира | св. и несв.
Наведе, наведува усно или писмено нечии зборови или делови од текст. Тој често ни цитираше стихови од познати поети. Весниците ја цитираа изјавата на министерот.
цитоплазма | ж.
Основен дел од живата клетка во кој се наоѓа јадрото, безбојна, проѕирна и полутечна материја, една од најважните во природата од која зависи настанувањето на животот.
цитра | ж.
Вид жичен музички инструмент. Свири на цитра.
