чевре | ср.

Танка четириаголна шамија за на глава, обично извезена со сребрени нишки. Бело чевре. Сите жени носеа чевриња на глава.

чедник | м.

Татко, родител.

чедо | ср.

Дете, рожба, син или ќерка. Го чуваше како свое чедо. Им даде Господ чедо.

чедоморец | м.

чедоморство | ср.

чедоубиец | м.

Убиец на сосптвеното чедо, дете; чедоморец.

чедоубиство | ср.

Дејност на чедоморец и чедоморка; чедоморство.

чеза | ж.

Лесна запрежна коњска кола на две тркала. На железничката станица го чекаа со чеза. Чезата полека се клацкаше по калдрмата.

чезне | несв.

Се губи, гине, исчезнува. Тука чезнат силите на фантазијата. Ѕвезди чезнат полека на небото.

чеиз | м.

Спрема, постелнина и покуќнина што ја носи невестата во куќата на момчето, приќе, мираз. Чеизот на девојката го редат во една соба. Невестата донесе голем чеиз.