чувадар | м.

чувалиште | ср.

Место каде што се чува нешто.

чувар | м.

Тој што чува нешто. Работеше како чувар. Ноќен чувар. Чувар на магазинот. Чувар на паркот.

чуварина | ж.

Тоа што се плаќа за чување нешто.

чуваркуќа | ж.

Растение што расте во минимални услови, дури и на покривот на куќите, со месести листови распоредени како розета; Sempervivum tectorium.

чуварница | ж.

Куќичка или просторија покрај пруга во која престојува чуварот.

чувач | м.

чувствен | прид.

Што се однесува на чувство, што се доживува со чувства. Чувствен однос. Чувствен живот. Чувствен трепет.

чувствителен | прид.

Што е претерано осетлив, што лесно се препушта на чувствата, што брзо, без воздржување ги изразува чувствата. Чувствителна жена. Чувствително дете. Чувствителни луѓе. Тој е особено чувствителен на честа и чистотата на своите ќерки.

чувство | ср.

Психичка состојба што го одразува позитивниот или негативниот однос кон некого или кон нешто. Чувство на одговорност. Чувство на тегобност. Родољубиви чувства. Непријатно чувство. Чувство на тага.