шармантен | прид.

Што има шарм; привлечен, симпатичен, допадлив. Шармантен господин. Шармантна девојка. Шармантен сценски настап.

шармер | м.

Тој што има шарм и што умее да шармира. Градски шармери.

шармира | св. и несв.

Занесе, занесува, привлече, привлекува, се допадне, се допаѓа некому; употреби, употребува сопствен шарм за да постигне нешто. Таа ги шармира момчињата во класот. Тој ги шармира родителите на девојката. Неговиот настап ја шармираше публиката.

шаро | ср.

шаролик | прид.

Што е разнообразен, мешан. Шаролик предел со различни ендемски видови растенија. Шаролика група. Шаролик свет.

шароног | прид.

За животно (коњ, мачка и сл.) – што е со шарени нозе, со боја на нозете поинаква од таа на трупот. Шаронога кобила. Шаронога мачка.

шарпа | ж.

шарпланинец | м.

Крупен овчарски пес, познат уште кај староседелците на Балканот, меѓународно признат како раса овчарски пес.

шарпланински | прид.

Што се однесува на шарпланинец или на Шар Планина. Шарпланински воздух. Шарпланинска раса кучиња. Шарпланинско сирење. Шарпланинска овца.

шарски | прид.