шематизам | м.
Наклонетост кон поедноставување, кон прегледно прикажување преку основни точки.
шематизација | ж.
Претставување во шема, во шематизирана форма.
шематизира | св. и несв.
Создаде, создава, сведе, сведува, претстави, претставува нешто со шема. Тој го шематизира целиот простор и дава опис на движењето низ него. Тој го шематизира принципот за посоодветно следење и примена.
шематизиран | прид.
Што е претставен со шема. Шематизиран приказ.
шематичен | прид.
Што има карактеристики на шема, што е во облик на шема. Очигледен шематичен пат. Шематична поставка. Шематично однесување.
шемет | м.
Вртоглавица, нарушување на рамнотежата, зашеметеност, замелушеност. При секое станување добива шемет. Чувствува шемет во главата.
шеметен | прид.
Замелушен, зашеметен, што е замајувачки, занесувачки; што прави да не можеме да го следиме јасно, бистро. Шеметна брзина. Шеметни цени. Шеметна убавина.
шемизет | м.
Плакар, орман, шкаф каде што се чува долна облека. Дрвен шемизет украсен со шари од седеф. Изработува шемизети.
шен | прид.
Што е весел, шенлив.
шенга се | несв.
Се потсмева, се подбива, прави шеги за другите и за себе. Момчињата се шенгаа со стариот. Тој се шенга на своја сметка.
