шербетлија | прид.
Што е многу благо, прекумерно заблажено. Му дадоа едно кафе шербетлија. Чајот беше шербетлија.
шерет | м.
Лукав, препреден човек, шегаџија, шегобиец, мајтапчија. Таа млада девојка беше голем шерет. Најголемите шерети во селото не направија шега со овој настан.
шеретлак | м.
Итрина, итроштина, препреденост, пакосна шега. Неговите шеретлаци беа прочуени. Шеретлаците што ги правеше таа не се трпеа.
шеретува | несв.
Прави шеретлак некому, се додворува, се шегува со некого, мудрува. Тој сѐ уште шеретува со млади моми.
шери | ср.
(бот.) Вид зеленчук, мали домати. Садат шери во саксии.
шери-бренди | ср.
Вид алкохолен пијалак направен од бренди (вид ракија) и овошен дел од цреша, еден вид ликер.
шеријат | м.
Збир од четири начела што го означуваат вистинскиот пат како треба да се постапува во општествениот, семејниот и верскиот живот кај муслиманите, прописи од верското и световното право во исламот. Сите муслимани треба да се однесуваат според шеријатот. Тој го искористи правото од шеријатот да има четири жени.
шериф | м.
Службено раководно лице во полицијата во Соединетите Американски Држави и во Англија, полициски началник. Шерифот и неговиот помошник организираа потера по бегалците.
шерифов | прид.
Што му припаѓа на шериф. Шерифова шапка. Шерифовиот пиштол.
шерпас | м.
Водач при искачување на Хималаите, дел од народот што живее во планините на Непал. Искусни шерпаси.
