шест | бр.
Основен број поголем за една единица од пет; се бележи со бројката 6. Шест сетила. Шест деца. Шест чинии. Шест страници.
шест- | претс.
Како прв дел од сложенки со значење: шест од тоа што е означено во вориот дел од сложениот збор: шестаголен, шестгодишнина, шестдневен, шесткатен, шестмесечен, шестминутен, шестилјаден и др.
шеста | несв.
Мисли, се премислува, домислува, обично во состав со дума. Думале, шестале и ништо не смислиле. Цела ноќ шестало момчето што да стори.
шестаголен | прид.
Што има шест агли. Шестаголна гарнитура. Шестаголна маса.
шестаголник | м.
Геометриска слика со шест страни и со шест агли. Разностран шестаголник.
шестак | м.
Шесто дете во многудетно семејство. Тој беше шестак и најмал од децата.
шестар | м.
Направа за цртање кругови, кружни линии или за мерење мала должина и широчина. Должината и широчината на челото се мери со шестар. Пластичен шестар.
шестгодишен | прид.
Што е на возраст од шест години. Шестгодишно девојче.
шестгодишнина | ж.
Временски период од шест години; годишнина на некој значаен настан што се случил пред шест години. Шестгодишнина од осамостојувањето.
шестдневен | прид.
Што трае шест дена. Шестдневен пансион. Шестдневен одмор.
