шешери се | несв.

Се шири, се дуе, се кокори, се прави важен. Таа само се шешери пред соседите.

шешерлав | прид.

Накитен, нагизден, украсен. Шешерлаво дрво. Шешерлави моми.

шешир | м.

Вид капа, шапка; Црн шешир. Сламен шешир. Каубојски шешир.

шеј | м.

Предмет, облека и сл. Купила само еден шеј. Во багажникот во еден куфер беа ставени сите нејзини шејови. Таа спрема шејови за дарови.

шејтан | м.

Ѓавол, сатана, враг. Шејтанот влегол во него.

шеќер | м.

(хем.) Соединение, јагленохидрат добиен од гликоза и фруктоза, дисахарид, лесно се топи во вода, со сладок вкус, се наоѓа во растенијата и се користи во исхраната.

шеќерана | ж.

Фабрика, работилница каде што се произведува или се преработува шеќер. Во непосредна близина на градот се изгради шеќерана. Таа работи во шеќераната.

шеќераш | м.

шеќердиса | св.

Направи да стане зашеќерено, зашеќери во поголем степен, доведе во состојба на стврднатост; се. Таа стави помалку вода и го шеќердиса слаткото.

шеќерен | прид.

Што произведува шеќер или што се користи за производство на шеќер. Шеќерен погон. Шеќерна фабрика. Шеќерна репка. Шеќерна трска.