шоугерла | ж.
Танчерка во ноќен клуб. Разиграни шоугерли.
шоумен | м.
Тој што забавува, што организира уметничко забавна програма и изведува шоу. Познат шоумен.
шофер | м.
Возач како професија, занимање. Шофер во градски сообраќај. Шофер на камион. Искусен шофер.
шоферски | прид.
Што се однесува, што припаѓа на шофер. Шоферски испит. Шоферска кабина. Шоферски навики. Шоферски занает.
шоферство | ср.
Занимање на шофер.
шофершајбна | ж.
Дел од автомобил, предно стакло на возилото што штити од ветер.
шофира | св. и несв.
Управува со автомобил или со друго превозно средство од тој вид; вози. Шофира низ градот.
шошник | м.
Тоа што крепи, што прикрепува. Дрвен шошник.
шошница | ж.
Кошница. Неполна шошница.
шпага | ж.
Гимнастичка или балетска фигура кога телото е во седечка положба, а нозете се расчекорени, се отвораат под агол од 180 степени и оформуваат права. Правеше шпага на високата греда.
