шоу- 2 | претс.
Како прв дел во сложенки за да означи уметничко-забавен карактер на нешто, пр.: шоу-бизнис, шоу-програма, шоу-настан, шоу-емисии, шоу-групи и сл.
шоугерла | ж.
Танчерка во ноќен клуб. Разиграни шоугерли.
шоумен | м.
Тој што забавува, што организира уметничко забавна програма и изведува шоу. Познат шоумен.
шофер | м.
Возач како професија, занимање. Шофер во градски сообраќај. Шофер на камион. Искусен шофер.
шоферски | прид.
Што се однесува, што припаѓа на шофер. Шоферски испит. Шоферска кабина. Шоферски навики. Шоферски занает.
шоферство | ср.
Занимање на шофер.
шофершајбна | ж.
Дел од автомобил, предно стакло на возилото што штити од ветер.
шофира | св. и несв.
Управува со автомобил или со друго превозно средство од тој вид; вози. Шофира низ градот.
шошник | м.
Тоа што крепи, што прикрепува. Дрвен шошник.
шошница | ж.
Кошница. Неполна шошница.
