шпекулација | ж.

Финансиска трансакција, економска дејност при купување и продавање стоки и услуги за брза и лесна добивка. Насочена шпекулација. Успешна шпекулација. Деловна шпекулација.

шпекулира | несв.

Изврши, врши шпекулации. Тој шпекулира со брашно. Фирмата шпекулира со тешки метали.

шпенагла | ж.

шпенадла | ж.

Вид игла што служи за прикрепување, за прицврстување со топче (глава) од едната страна. Шпенадли со разнобојни глави. Платното го прицврсти со шпенадли.

шперплоча | ж.

Дрвена тенка плоча, добиена од неколку листови фурнир залепени под голем притисок, што ја прави отпорна на искривување и се употребува во изработката на мебел, врати и сл. Лакирана шперплоча. Парчиња од шперплоча.

шпикува | несв.

Вметнува, става сланина, лук, морков итн. во внатрешноста на парче месо пред печење. Месото го шпикуваше со парчиња лук и морков.

шпил | м.

Сноп, врзоп карти. За бриџ потребни се два шпила карти. Отвори нов шпил карти.

шпилхозни | и.

Вид бебешка, детска облека. Памучни шпилхозни.

шпион | м.

Лице што се занимава со шпионажа, што работи за тајни служби и собира воени, политички, економски и др. податоци тајно; таен агент, разузнавач. Тој бил шпион за некоја тајна служба.

шпионажа | ж.

Тајно собирање и достава на воени, политички, економски и др. податоци од една држава (или фирма) за друга. Тие го обвинија за шпионажа.