каца | ж.

Голем, валчест, дрвен сад, стегнат со обрачи, на дното проширен, а на горната страна отворен. Каца со сирење. Каца со расол. Каца со маст. Каца со туршија.

качи ² | св.

Дигне некого или нешто, доведе, дотера на повисоко место. Старата облека ја качи на таванот. Го качија на чардакот, само да види до кај е работата. Времето се затопли, овците треба да ги качиме на планина.

каша | ж.

а) Јадење придготвено од сварено брашно со вода или млеко. Каша од пченкарно брашно. Овесна каша. Јадеа пиле со каша. б) Густа смеса добиена од сомелено овошје, зеленчук.

Драч | м.

Град во Албанија.

баре | чест.

вади ² | несв.

Наводнува, полева со вода. Селаните ги вадеа своите ниви.

клас ² | м.

Степен на школување во средно училиште во траење од една година; едногодишна наставна програма. Тој тргна во први клас гимназија. Тој го повторуваше класот.

буџа | м.

Важна личност најчесто од политичкиот свет.

коза | ж.

Домашно животно со рогови, преживар со долго остро влакно и брада; се одгледува заради млекото, волната и месото. Козарите имаа определени места каде ги собираа изутрина козите за да ги носат на пасење.

алка | ж.

Белезица, обрач, обично од метал, за на раце, на нозе, на врат што се носи како накит, предмет во форма на затворен круг. Жените таму како украс вденуваат алка во носот.